Abschlusshöck Gedicht - SKBS-Thurland

Direkt zum Seiteninhalt

Hauptmenü:

Abschlusshöck Gedicht

Anlässe
Schlusshöck 2017
Gedicht Von Olivia Sax

Hallo mini Liebe, Abschlusshöck isch hüt Wenn au nur mit wenige lüüt
Schön, dass ihr de Weg gfunde hend Und mir es paar Minütli gend
Ich ha denkt öpis chlises muess es sie Für mini Lieter wo immer sind debie
Sie stönd jedi Wuche vo neuem do Und helfed mir im Hundesport vorwärts zgoh


De Ahfang machi bim Belgeithund-team Wo aber nur eine sitzt do drin

De Miro isch de Astrid ihren Hund Au wenn er nöd immer gad sofort chunt
Mitem Bali no gschnell e Rundi ufem Platz Aber au d Astrid isch sin grosse Schatz
Er himmlet sie ah wenn er Fuss laufe tuet Und das chaner nehmli meh als nur guet
Es super Team, das gsehnd mir alli Und en absolut schönä Mali
I ha ghört au s 87 igschte Deckeli isch dahin Drum hets etz im Päckli s 88 igscht drin


Pferdewurst het sie ufem Platz Und bald hemmer sie au all bi üs im Sack
Ruhig und gemach isch ihri Art Doch bi Korrekture isch sie streng und hart
Ihren baily isch en tolle Hund I würd sege bi ihne laufts rund
„gut gemacht chline maa“ und de baily weiss etz dörf er denn s Bali ha
bim verloh vom Platz muess er zerscht bi de Sietetüre go luege bevor er denn id Box muen zum ruebe
Frisbee isch sies grosse Ding Viellicht hets jo bi eu en neue drin


De Willi kenn i au nur echli Als Chef des Abends immer s Portemonnaie debie
En gnaue isch er aber ned nur bim zahle Au mit de Hünd will er sinere Gruppe gfalle
„hesch du scho zahlt?“ de Spruch chunt immer jo de Willi isch en luschtige Finger
doch het er mitem Leroy es schlimms Erlebnis gha und üs zeigt er isch en ihfühlsame maa
stolz isch er uf sini zwei mit ihne isch s lebe eifach schön dihei
es rots Päckli gits für etz no für di guet für d Seel und zum gnüsse sölls sie


Schutz isch ahgseit, wer isch alles debie? De Viktor, Vinc oder Marcel mönd ume sie
Ohni die drü stömmer ned guet do Und chönted gad wieder heime goh
Sie sind üsi drei Musketiere ufem Platz Lerned üs viel und gebed volle Ihsatz
Alli drü hend e strengi und disziplinierti Hand Aber wer de Chef isch, isch allne bekannt

De Marcel het sini Truppe im Griff Und git jedem au de richtigi Schliff
Sini Tina isch Sprengstoff-Vize-Schwiezermeisteri Und im Dienst zu 100% debie
Au wenn sie mengmol chli selber en Knaller isch So chunt au etz de Spruch uf de Tisch
Hund und Halter sind ned wiet vonenand Und do isch glaub nomol so ein umenand


I ha ghört de Baryk isch vo de gliche Zucht Und au mengisch chli uf de Flucht
Sie’s Herrli bringt aber nüt so schnell us de Rueh Er het Geduld, bis au de Baryk folge mue
Au Gegesätz ziehnd sich bekanntlich ah En wilde Hund und en ruhige Maa
Jo au do gits zwei roti Päckli us minere Hand Gnüsseds oder fiered gross mitenand
I weiss dass ihr eu guet verstönd Und au die Freiziit guet zeme chönd


De jüngschti Helfer chunt au no dra Mitem neuschte Schutzdienstzertifikat
I allne Sproche hilft er üs mit Seis dütsch, französisch oder was es susch no git
„Sadni“ kenned mir au scho guet Das isch wenn d elis sitze tuet
Körperkontakt suecht sie bi ihm Wenn es „Suuuuuuuupääääär“ chunt i sinere stimm

Au bim verbelle macht sie super mit Die rhythmik isch eifach en mega hit
Ich find ihr sind es usgliches team Drum hets bi eu zwei arte drin


Im Mondi sind zwei anderi ufem Platz Das isch Terry mit ihrem Schatz
Nur churz han ich eu kenne glernt Aber ihr hend mir s herz erwärmt
Symphatisch sind ihr mir gad gsi Mit Herz und Seel sind au ihr debie
Usegfunde hemmer denn au no dass üsi verstorbene Malis us de gliche Zucht sind cho
en grosse Ustusch hets denn geh und mir hend vieles ähnlich gseh
d welt isch mengisch ebe scho chli mir hend üsi liebe immer im Herz debie


Im März sind de Sultan und ich zu eu cho Trotz Schwierigkeite hend ihr üs ufgnoh
Viel Tips hend ihr uf den Weg mitgeh Und jedi Wuche hemmer chlini Fortschritt gseh
Spitznäme het er au becho Eimol Kanone und denn de Rambo
Wenn mir zwei uf de Platz anestönd Ischs besser wenn di ängschtliche weg gönd
Denn min Sultan findet d Mensche so guet Dass er sie ufzmol ahspringe tuet
Jo üs gfallts und mir lerned viel bi eu Drum bliebed mir eu au nögscht johr no treu


Copyright by Olivia Sax
 
Zurück zum Seiteninhalt | Zurück zum Hauptmenü